رواية خذلان الحب الفصل الحادي عشر 11 بقلم ميرفت سعيد
#البارت_الحادي_عشر
مالك: يلا ياحور علشان اوصلك
حور : يلا انا خلصت.
ركبوا االعربية
مالك: كلمتي مامتك
حور بتوتر : احم لسه
مالك: لسه ليه
حور: لما اروح. لما اروح هبقي اكلمها
مالك : ماشي ياحبي.
مالك كول الطريق كان بيحاول يفتح اي موضوع مع حور لكن حور كانت سرحانه ومش معاه خالص
مالك : مالك ياحور . بقالك كتير سرحانه ومش معايا خالص
حور: مفيش حاجه ياحبيبي انا بس تعبانه وعايزه انام النهارده كان عندي حالات كتير ومنمتش كويس امبارح
مالك: منمتيش كويس ليه حاجه حصلت؟
حور: لا مفيش حاجه عادي سهرت علي التلفون ومخدش بالي من الوقت
مالك: ماشي .بعد شويه مالك وصل حور البيت
مالك: حمدلله علي السلامه
حور: الله يسلمك .. مش عايز حاجه
مالك بابتسامه : عايزه سلامتك
حور نزلت من العربيه ومشت مالك استني لما طلعت و اطمن عليها ومشي
**************
ليلي كانت قاعده في غرفتها وبتعيط زعلانه علي حبها اللي جرحها بتحبه ومش عارفه تنساه فضلت تحلم وتخطط في حياتهم لكن حلمها اتقلب لكابوس مزعج قطع تفكيرها خبط علي الباب
ليلي وهي بتمسح دموعها بسرعه : احم ادخل
مالك دخل بابتسامه: الجميل بيعمل اي
ليلي بابتسامه : مالك تعالي
مالك : عامله اي ياقلبي
ليلي بتحاول تبتسم : انا كويسه
مالك: مش باين يعني
ليلي: مفيش حاجه ياحبيبي
مالك: هو انا كل ما اسئل واحده مالك تقولي مفيش
ليلي وهي بتحاول تغير الموضوع قالت وهي بتغمز : واحده؟؟!!
مالك بضحك: ااه واحده بس مش اي حد
ليلي: مين يعني؟
مالك : حوري
ليلي باستغراب : حوري؟؟! حو.... ثم فتحت عنيها علي وسعها بدهشه : اوعي تقول حور ....
مالك: ايوه حور حور حب عمري وطفولتي
ليلي: نزلت مصر امته
مالك : من حوالي اسبوع تقريبا اول ما شافتني كنا في المطار وهي مكنتش لسه عرفاني وحصل............. فضل يحكوا مع بعض
**************
عند سليم
سليم: ادخلي ياقمر
دخلت قمر
سليم كان لسه هيقفل الباب
قمر بسرعه : انت بتعمل اي
سليم : اي يابنتي هكلمك هقفل الباب
قمر : لا متقفلهوش والله لو قفلته همشي
سليم : خلاص.. دي الشقه...
قمر بسخرية: ياراجل!!!! صدق فكرته متحف؟!!
سليم بنفاذ صبر وبيرفع ايده ليدعي: يارب يتخد*ها يتخد*ها علشان انا تعبت
قمر: ان شاء الله انت انا لسه في عز شبابي
سليم بسخريه: مهو واضح الشقه قدامك اهي
قمر كانت لسه هتتريق سليم مسك فازه موجوده
سليم: اقسم بالله لو اتكلمتي لخبطك بالبتاعه دي في وشك
قمر سكتت بخوف
سليم: الز*فته قدامك اهي هتتز*فتي تقعدي فيها خلاااص
قمر: لا رد
سليم : ماتنطقي يابنتي
قمر: اتكلم ولا لا مش انت قولت متكلمش
سليم : انا مماااشي سلام
قمر : سلام .. استني اا انا كنت عايزه تشوف ليا شغل
سليم: شغل؟!!
قمر: ايوه عايزه اشتغل امال مين هيسرف عليا
سليم: ياستي يعني هي جت علي شويه مصاريف مدام جبتك هنا تبقي مسئوله مني خلاص متشليش هم
قمر: معلش يا سليم انا عايزه اشتغل
سليم : طب انتي خريجة اي
قمر سكتت بحزن
سليم فهم من حزنها وسكتها انها مش متعلمه
سليم: طب بتعرف تكتبي وتقرأي
قمر بحزن ودموع:انا مش جهله علي فكره انا كملت تعليمي لحد الثانوية العامه وجبت مجموع حلو بس مدخلتش جامعه
سليم : تمام كويس هشوف ليكي شغلانه بأذن الله مع ان مش عا، ف عايزه تتعبي نفسك ليه... يلا عن اذنك انا ماشي ... سلام
قمر: سلام
قمر لنفسها بفرحه: يااااه اخيرا بيت وهشتغل بعيد عن جوز امي هعيش حره الحمدلله
**************
كانت قاعده بتفكر في العريس اللي متقدم لها مش عارفه ترفض وتفضل عايشه علي وهم كذاب ولا تقبل وتظلمه وتظلم نفسها عليا قامت وقفت قدام المرايه وبتكلم نفسها
عليا: انا مش وحشه انا مش ناقصني اي حاجه علشان اجري ورا حد مش بيحبني محدش غلطان في الحكايه دي غيري وبرده محدش موجوع من الحكاية دي غيري .. يارب ريح قلبي طلع حبه من قلبي كفاية وجع بعد خمس دقايق عليا كانت بتمسح دموعها وخلاص قررت !!!!
************
تاني يوم
مالك مستني حور تحت في العربيه علشان يوصلها
حور ببتسامه : صباح الخير
مالك ببتسامه: صباح الورد عامله اي
حور: الحمدلله
مالك: نمتي كويس
حور : ايوه
مالك : طب كويس علشان متتعبيش النهارده
مالك وحور فضلوا يتكلموا طول الطريق
حور ببتسامه: شكرا ياسطا
مالك : يسطا ما هو ده اللي ناقص
حور ومالك ضحكوا
مالك : كلمتي مامتك في موضوعنا
حور ارتبكت الابتسامه اختفت : لا
مالك وهو بيراقب ملامح وشها: ليه
حور : احم هكلمها في اي وقت انا نازله
مالك مسك ايديها : حور في اي
حور : في اي يامالك
مالك: لا كل ما اكلمك في الموضوع ده وشك يقلب وكأنك مغصوبه
حور: لا مالك انا.....
مالك: انزلي يا حور
حور: مالك
مالك بحده : انزلي
حور: مالك اسمعني
مالك بغضب: مش انا اللي اغصب واحده علشان تتجوزني
نظرت له حور بصدمه: غصب؟!!!!
مالك بغضب: انزلي ياحوور
يتبع
#رواية_خذلان_الحب
#بقلمي_ميرفت_سعيد
